3 охин: Товч мэдээлэл
 Тус хамтлаг 2000 оны 12 дугаар сарын 14-нд байгуулагджээ. Анх Уянга, Соло, Ану гэсэн бүрэлдэхүүнтэй байсан бөгөөд тэд ХБК-ийн нэг ангийн сайн найзууд байж. Харин одоо хамтлагийн бүрэлдэхүүнд өөрчлөлт орсон ба Уянга хамтлагаас гаран Анхмаа хамтлагт гишүүнээр орсон.
Долдугаар ангидаа тэд "Moon" буюу "Сар" хамтлагыг байгуулж "Ирээдүйн одод" өсвөрийн дуу дуулаачдын уралдааан болон Англи дуу дуулаачдын улсын уралдаанаас тус тус тэргүүн байр эзэлж байсан.
Үүндээ тэд урамшин "Гурван охин" нэртэйгээр хамтлагынхаа нэрийг өөрчилж рок попын ертөнцөд хөл тавьсан юм. Анх тэднийг урлагын замд хөтлөн оруулсан хүн бол "Сүнс" хамтлагын ахлагч Лхагвасүрэн. Лхагваа ахгүйгээр бид өдий зэрэгт хүрэхгүй байсан гэж тэд ярих дуртай.
Дуучин Алтанцэцэгийн "Одиссей", дуучин Мягмарсүрэгийн "Интернет блюз", "Миний шинэ орон зай" зэрэг тоглолтуудад оролцож байсан.
МАСОХ-ны сүлд дуу болох "Оюутан нас аялгуу"-г МУГЖ Ариунаа болон "Сүнс" хамтлагынхантай хамтран дуулсан. Мөн тэднийг Дуучин Алтаа, Ариунаа, Сүнс хамтлаг, Ice top, Dijital зэрэг хамтлаг уран бүтээлчидтэй олон сайхан дуу дуулсаныг нь бид мэднэ.
Анхны цомгоо тэд өнгөрсөн онд "Гурван охин" нэртэйгээр гаргажээ. Монголын рок попын томоохон хөгжмийн зохиолч, яруу найрагчдын бүтээл бүхий арван дуу тэдний анхны цомогт багтжээ. Тэд юунд ч баригдахгүй чөлөөтэй рок, R&B, хип хоп аль ч чиглэлийн дууг цомогтоо оруулахыг хичээсэн.
CD-нийхээ баярыг он солигдох мөч 12 дугаар сарын 31-нд үзэгч фенүүдийнхээ хамт "Music" диско клубт хийснийг фенүүд нь санаж буй байх.
Саяхан тэд нэгдүгээр сараас дөрөвдүгээр сарын хооронд Дижитал хамтлагатай Монгол орноо бүтэн тойрч аялан тоглолтоо хийгээд ирсэн. Одоо хоёр дахь цомгынхоо бэлтгэл ажилд ороод тун завгүй явна.
2000, 2003 онд рок попын хаан ёслол болох Пентатоник наадам, мөн UBS music vedio awards-д урилгаар оролцож байсан нь тэдний хувьд нэр төрийн хэрэг гэж үздэг. "Нэг нэгэндээ уусан нэгдмэл санаагаар урагшаа" энэ бол "Гурван охин" хамтлагын уриа. Тэдний зорилго өөрсдийн дуугаараа рок попын ертөнцийн оргилд хүрэх. Сонсох дуртай хамтлаг TLC, J.LO, Destney's child. Шинэчлэгдсэн: 2005-05-09 06:05:03 |
Хүмүүс -> Хамтлаг, дуучид -> Поп, R&B 
